2019 жылдың 08 сәуірінен 12 сәуіріне дейін Қостанай облысында 27 құзырет бойынша, соның ішінде «Медициналық және әлеуметтік күтім» құзыреті бойынша «Жас кәсіпқойлар» WorldSkills Kazakhstan - 2019 өңірлік чемпионаты өтті. «Медициналық және әлеуметтік күтім» құзыретін өткізу алаңы Қостанай жоғары медициналық колледжі базасында ұйымдастырылды. Чемпионатты өткізу күндерінде колледжде мектеп түлектеріне арналған кәсіптік бағдар алаңы жұмыс жасады, №15ОМ, №11ОМ, №3ОМ, №1ОМ, №30ОМ мектептерінің оқушылары өздеріне қажетті ақпараттарды алды. Оқушыларға колледж бойынша экскурсия ұйымдастырылып, колледж бен WorldSkills тарихы, медициналық мамандықтар туралы видеоролик көрсетілді. Кездесудің соңында керекті ақпарат көрсетілген буклеттер таратылды.