Осы жылы Тілдер күні дәстүрлі 22 қыркүйекте емес, ұлы ағартушы, жерлесіміз Ахмет Байтұрсыновтың туған күнінде 5 қыркүйекте аталып өтті.

Қостанай жоғары медициналық колледжінде «Мейіргер ісі» тобының бірінші курсында мемлекеттік тілде ашық сабақ өткізілді. «Қазақстан тарихы» сабағында студенттер «Андронов мәдениеті» тақырыбындағы жобаларын ұсынды. Жұмыстар келесі бағыттарға бөлінді: «Андронов мәдениетінің ерекшеліктері», «Шаруашылық қызметтері» және т.б. Жобалардың арасында «Андроновтардың рухани мәдениеті» тақырыбындағы жұмыс қызықты болды, студенттер андроновтардың діні мен салт дәстүрлері жайында айтып, Олжас Сүлейменовтың «АЗ и Я» кітабынан «Ристалище» өлеңін оқыды.

Оқу материал мен танымал әдеби және тарихи әдебиеттерден үзінділердің мәнерлеп оқылуы «Қазақстан тарихы» пәнінің оқытушысы Азтаева Алма Турегалиевнаның басшылығымен өткен сабақ мазмұнды болды.